2013 წლის შემოდგომა-ზამთრის, ერთ-ერთი მთავარი ტრენდი, საკმაოდ მივიწყებული “შოტლანდიური პრინტია”. პირველი ათასწლეულის ბოლოსა და მეორე ათასწლეულის დასაწყისში პოპულარული „შოტლანკა,“ ისევ ბრუნდება ჩვენს გარდერობში. ამ სეზონზე ფორმაში, სტილსა და ფერებში არ ვიზღუდებით. მნიშვნელობა არა აქვს , იქნება ეს შარვალი , კაბა , ქვედაბოლო , ქურთუკი , პერანგი თუ შარფი , მთავარია , რომ ეს ნივთები , სწორად შეახამოთ.
პირადად ჩემთვის ტრენდის სასიამოვნო ასპეკტია, რომ არ მჭირდება შორს წასვლა და მაღაზიებში სირბილი . დარწმუნებული ვარ, ნებისმიერი გოგონას გარდერობში შევძლებთ აღმოვაჩინოთ არაერთი მივიწყებული ნივთი მსგავსი პრინტით .
ინსპირაციისთვის შეგვიძლია დავაკვირდეთ “სელებრითებისა” და “ფეშენ ბლოგერების ლუქებს” , რომლებიც აქტიურად ხმარობენ ამ ტრენდის ტანსაცმელს .
წელს ირგვლივ შემოხვეული პერანგი, ამ სეზონზე უზომოდ პოპულარულია . ჩემთვის ეს ლუქი ერთ-ერთი ყველაზე საინტერესოა,რადგან, რამდენიმე სეზონის განმავლობაში ყველასთვის საყვარელი ყვავილის პრინტი, შეხამებულია ერთი შეხედვით შეუხამებელ „შოტლანკასთან“, რასაც ავსებს შანელის ჩანთა , ბალენსიაგას ფეხსაცმელი და ოვალური სათვალე . მთლიანობაში კი ორგანულ კომბინაციას ვიღებთ.
ემა უოთსონი შოტლანდიური პრინტის კაბას, ტყავის კურტკასა და შავი მეტალებით მორთულ ლაბუტენის ფეხსაცმელს უხამებს . მის ლუქს შეგვიძლია თამამად ვუწოდოთ ელეგანტური გრანჟი . რა თქმა უნდა , თუ შევცვლით ქუსლიან ფეხსაცმელს ჩექმით , მივიღებთ 90-იანების კლასიკურ , უკვე არაელეგანტურ , არამედ უბრალოდ “გრანჟ ლუქსს” .
არ უნდა დავივიწყოთ შარვლები , რომლებიც არანაკლებ პოპულარულია. მათი შეხამება შეგვიძლია, როგორც მაღალქუსლიან ფეხსაცმელთან , ასევე ჩექმასთან ან თუ მთლად გავზარმაცდებით , კეტებთანაც!
არც პალტოები და შარფები უნდა გამოგვეპაროს. წელს, ნებისმიერი ფერის არჩევა შეგვიძლია !
ვფიქრობ დროა , გადახედოთ მივიწყებულ ნივთებს ან სასწრაფოდ შეიძინოთ რაიმე ახალი, რომ იყოთ მოდურები .
შეგვიძლია შემოგთავაზოთ :
სტრადივარიუსის შარვალი – 59 ლარი
სტრადივარიუსის ქვედაბოლო – 39 ლარი
მარიშა მინაზარიშვილი
