Studinfo.ge – სტუდენტური ამბები

19-წლამდელები ევროპის ჩემპიონატის საგზურისთვის ბრძოლას იწყებენ

19-წლამდელები ევროპის ჩემპიონატის საგზურისთვის ბრძოლას იწყებენ
November 13
01:09 2013

13-18 ნოემბერს თბილისი უეფას 19-წლამდე ევროპის ჩემპიონატის საკვალიფიკაციო ეტაპს უმასპინძლებს. ამ ეტაპზე მე-11 ჯგუფში საქართველო, მოლდოვა, ჰოლანდია და უელსია.  მწვრთნელებმა 12 ნოემბერს მიხეილ მესხის სახელობის სტადიონის მედია ცენტრში პრესკონფერენცია გამართეს. უელსელთა  მთავარი  მწვრთნელის ნაცვლად  ჟურნალისტებთან მეკარეების  მწვრთნელმა ისაუბრა.

ჯეფ ვუდი (უელსი):  „პირველი შთაბეჭდილებები ძალიან დადებითია. ჩვენ ძალიან კარგი შემადგენლობა გვყავს და, ალბათ, ასეთივე კარგი შემადგენლობები ჰყავთ ჩვენს მეტოქეებსაც.“

ვინ ვან ზვანი (ჰოლანდია): „უპირველეს ყოვლისა, ვფიქრობ, პირველ მეტოქეზე – მოლდოვის ნაკრებზე. მთავარია, ხვალინდელი თამაში კარგად ჩავატაროთ. ამ ტურნირზე ფავორიტები არ არსებობენ,  შეიძლება, ყველაფერი მოხდეს.“

იური ოსიპენკო (მოლდოვა): „შევეცდებით, საკუთარი სახე ვაჩვენოთ ევროპის გრანდებთან. აქ ტურისტებად და  საქართველოს სანახავად არ ჩამოვსულვართ. გვინდა, ღირსეული თამაში ვაჩვენოთ. ჩემი გუნდის იმედი მაქვს.“

ვასილ მაისურაძე (საქართველო):  „აქცენტს პირველ თამაშზე ვაკეთებთ, რომელიც უელსთან უნდა ჩავატაროთ. ჯერჯერობით, ჰოლანდიასა და მოლდოვაზე არ ვფიქრობთ. პირველი თამაშის მოგება ძალიან მნიშვნელოვანია. ქვეჯგუფი რთულია. ფავორიტების დასახელებისგან თავს შევიკავებ. მეკარე ოთარ გოშაძე დაშავდა, მაგრამ ამ სიტუაციიდან გამოვედით, მის ნაცვლად სხვა ითამაშებს და, იმედია, თავს კარგად გაართმევს. დანარჩენი ფეხბურთელები ჯანმრთელად არიან”.

საქართველოს 19-წლამდე ფეხბურთელთა ნაკრები 13 ნოემბერს უელსელ თანატოლებს მიხეილ მესხის სახელობის სტადიონზე უმასპინძლებს.  მატჩი 14:00 საათზე დაიწყება.

მე-11 ჯგუფის მეორე შეხვედრაში კი, რომელიც „დინამო არენაზე“ 15:00 საათზე დაიწყება, ერთმანეთს ჰოლანდია და მოლდოვა დაუპირისპირდებიან.

1 2 3 4 5 6 7

მოამზადა ხატია ცარციძემ

ფოტოგრაფი ვახო ხეთაგური

234 ნახვა
Tags

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
November 2013
M T W T F S S
« Oct   Dec »
 123
45678910
11121314151617
18192021222324
252627282930