Studinfo.ge – სტუდენტური ამბები

„საქართველოს სტუდენტთა უფლებების ლიგის“ პრეზენტაცია

„საქართველოს სტუდენტთა უფლებების ლიგის“ პრეზენტაცია
November 27
22:54 2013

არასამთავრობო ორგანიზაციამ „საქართველოს სტუდენტთა უფლებების ლიგა“, ქუთაისის აკაკი წერეთლის სახელმწიფო უნივერსიტეტში რეგიონალური ოფისის პრეზენტაცია გამართა. ორგანიზაციის მიზანია, გაეცნოს სტუდენტთა პრობლემებს და დაეხმაროს მათ გადაწყვეტილების მიღებაში, ასევე სტუდენტებს საზოგადოებაში პოპულარიზაცია გაუწიოს. “საქართველოს სტუდენტთა უფლებების  ლიგის” ქუთაისის ფილიალის ხელმძღვანელის, სალომე გრიგალაშვილის განცხადებით, ამ დროისთვის ლიგაში სხვადასხვა უნივერსიტეტების ათასამდე სტუდენტია გაწევრიანებული. ორგანიზაციაში გაწევრიანება ნებისმიერ სტუდენტს შეუძლია, ამისათვის საჭიროა შესაბამისი განცხადების წარდგენა. პრეზენტაციაზე  აწსუს პრორექტორი შალვა კირთაძე ესწრებოდა. იგი ქუთაისში ორგანიზაციის ფილიალის გახსნას მიესალმა და აღნიშნა, რომ უნივერსიტეტებში ყველას უფლებების დაცვა მნიშვნელოვანია.

ლიგის პრეზენტაცია კითხვა-პასუხის რეჟიმში წარიმართა. სტუდენტებმა სხვა პრობლემებთან ერთად, უნივერსიტეტის ტექნიკური უზრუნველყოფა, სისუფთავე და სასწავლო წიგნების ნაკლებობა დაასახელეს. სტუდენტთა ნაწილმა ლიგის დაარსებას უნდობლობა გამოუცხადა, როგორც ცნობილი გახდა, აღნიშნულის მიზეზი აქამდე შექმნილი არასამთავრობოების მიერ შეუსრულებელი დაპირებებია.

„მივესალმები ორგანიზასიის შექმნას, მაგრამ სწავლის დაწყებიდან დღემდე უამრავი მსგავსი ორგანიზაცია მოდის, აკეთებს პრეზენტაციებს და რეალურად არაფერი ჩანს გაკეთებული. იმედია ეს ორგანიზაცია თავის მოვალეობებს შეასრულებს” – ამბობს სტუდენტი ონისე ჯანაშია.

„საქართველოს სტუდენტთა უფლებების  ლიგა“ თბილისში 2011 წელს გაიხსნა.  ორგანიზაცია ფილიალების გახსნას სხვა ქალაქებშიც გეგმავს.

ავტორი: ანა ჯიქია

studpress.ge

265 ნახვა
Tags
Share

About Author

admin

admin

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
November 2013
M T W T F S S
« Oct   Dec »
 123
45678910
11121314151617
18192021222324
252627282930