Studinfo.ge – სტუდენტური ამბები

“ველოსიპედით მთვარემდე” – ერთი ადამიანის დაუჯერებელი ისტორია

“ველოსიპედით მთვარემდე” – ერთი ადამიანის დაუჯერებელი ისტორია
May 06
13:47 2014

5 მაისს, გალერეა “უნივერსში” გინენსის მრავალგზის რეკორდსმენის – ჯუმბერ ლეჟავას მსოფლიო ველომოგზაურობისას გადაღებული ფოტონამუშევრების გამოფენა  გაიხსნა.

გამოფენის ორგანიზატორი რეჟისორი გიორგი ხარებავაა, რომელიც ბატონ ჯუმბერზე ბიოგრაფიულ ფილმს იღებს, ამავე სახელწოდებით.  ფილმში მთავარი აქცენტი გაკეთდება იმაზე, თუ რამდენად დიდი შესაძლებლობა აქვს ადამიანს და სწორედ ამის მაგალითია ბატონი ჯუმბერ ლეჟავა.

“ძალიან ბევრი მოგზაური არსებობს, მაგრამ ბატონი ჯუმბერის მსგავსი და ასეთი გამოცდილების მქონე არავინაა. ეს ფოტოები ფილმზე მუშაობისას ვნახე და როცა გავიგე, რომ არსად ჰქონია გამოფენილი, ფოტოებმა იმდენად მომხიბლა, გადავწყვიტე, ყველანაირი ძალისხმევით მომეწყო ეს გამოფენა“, –  განაცხადა ბატონმა გიორგიმ Studinfo.Ge-თან საუბარში.

გამოფენაზე წარმოდგენილი ფოტოების გარდა, ბატონ ჯუმბერს კიდევ სხვა ფოტოებიც აქვს, რომლებიც თემატურადაც კი შეიძლება დაიყოს. მაგალითად: ლანდშაფტები, შენობები, პორტრეტები და ა.შ. მაგრამ  ორგანიზატორისა და თავად ავტორის განცხადებით, ეს ყველაფერი დაფინასნებასთანაა დაკავშირებული, რომლის მოპოვება დღეს არც ისე ადვილია.

 ბატონი ჯუმბერ ლეჟავა 1993 წლიდან მოყოლებული, ათი წლის განმავლობაში  240 ქვეყანას ესტუმრა.  სწორედ ამ ადგილებში გადაღებული ფოტოებია წარმოდგენილი გამოფენაზე… ამაზონის ჯუნგლები, ანტარქტიდა, აფრიკა,  გრენლანდია… რას არ წააწყდებით!

ბატონი ჯუმბერის განცხადებით, ამ რეკორდებით მას სურდა, დაემტკიცებინა ის, რომ ადამიანის შესაძლებლობებს ზღვარი არ აქვს.

სამომავლოდ ბატონი ჯუმბერი ქვეყნების მიხედვით დაყოფილი წიგნების ტომეულის გამოცემას აპირებს.

ასევე, ცალკე  55 თემატიკაზე მომზადებული სურათები აქვთ გამზადებული, რომლის გამოფენას მომავალში გეგმავენ.

მოამზადა ხატია გოგოხიამ

313 ნახვა
Tags
Share

About Author

admin

admin

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
May 2014
M T W T F S S
« Apr   Jun »
 1234
567891011
12131415161718
19202122232425
262728293031