Studinfo.ge – სტუდენტური ამბები

სპორტული ფესტივალი “საქართველო 2014” იწყება

სპორტული ფესტივალი “საქართველო 2014” იწყება
May 30
11:23 2014

30 მაისს, 13:00 საათზე, სპორტისა და ახალგაზრდობის საქმეთა სამინისტროში, სამოყვარულო სპორტული ფესტივალის “საქართველო 2014″-სადმი მიძღვნილი პრესკონფერენცია გაიმართება.

აღნიშნული პროექტი სპორტისა და ახალგაზრდობის საქმეთა სამინისტროს ინიციატივით და მხარდაჭერით და ეროვნული ფედერაცია “სპორტი ყველასათვის” ორგანიზებით გაიმართება. ღონისძიების პარტნიორები არიან, საქართველოს ხელბურთის და ჩერლიდინგის ფედერაციები.

ფესტივალი მიზნად ისახავს საქართველოში სამოყვარულო სპორტის განვითარებას და მასობრიობის ზრდას. აღნიშნული ამ პროექტის მეშვეობით, სპორტის სხვადასხვა სახეობებში ფართო მასების, მოყვარული სპორტსმენების ჩართულობა, ხელს შეუწყობს ქვეყანაში ჯანსაღი ცხოვრების წესის დამკვიდრებას და მის პოპულარიზაციას.

ფესტივალს საქართველოს ყველა რეგიონი უმასპინძლებს, სადაც ჩატარდება  შეჯიბრებები სპორტის შემდეგ სახეობებში: მინი ფეხბურთი,მაგიდის ჩოგბურთი,  სამოყვარულო ხელბურთი

ფესტივალის ფარგლებში გასამართი ტურნირი მინი ფეხბურთში, რომელიც წელს მესამედ იმართება, აღმოსავლეთ და დასავლეთ ლიგების პრინციპით, წრიული სისტემით ჩატარდება. აღმოსავლეთ და დასავლეთ რეგიონების 8-8 გუნდიდან, საუკეთესო ოთხეულები პლეიოფში გააგრძელებენ ასპარეზობას. საუკეთესო ოთხი გუნდი კი ოთხთა ფინალში მიიღებს მონაწილეობას, რომელიც ფესტივალის ფინალურ ეტაპზე ჩატარდება.

მაგიდის ჩოგბურთსა და სამოყვარულო ხელბურთში ლოკალური შეჯიბრებების შედეგად გამოვლინდებიან რეგიონების საუკეთესო მოყვარული სპორსტმენები.

ფესტივალი ოფიციალურად 31 მაისს, გლდანში მდებარე ჯ. ცერცვაძის სახელობის ხელბურთის აკადემიაში გაიხსნება, სადაც დასავლეთ და აღმოსავლეთ ლიგებში მონაწილე მინი ფეხბურთის გუნდები პირველი ტურის შეხვედრებს გამართავენ.

ღონისძიება ოთხ თვეს გასტანს. ფინალური ეტაპი 26-28 სექტემბერს, საქართველოს საზღვაო საკურორტო ზონაში გაიმართება.

წყარო: http://geosports.ge/

221 ნახვა
Tags
Share

About Author

admin

admin

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
May 2014
M T W T F S S
« Apr   Jun »
 1234
567891011
12131415161718
19202122232425
262728293031