Studinfo.ge – სტუდენტური ამბები

დიდი დღესასწაული თბილისის ზოოპარკში!

დიდი დღესასწაული თბილისის ზოოპარკში!
May 31
12:11 2014

1 ივნისს, ბავშვთა დაცვის საერთაშორისო დღესთან დაკავშირებით თბილისის ზოოპარკში უამრავი საინტერესო ღონისძიებაა დაგეგმილი. 10:30 საათზე გაიხსნება საქართველოში პირველი თოკების სათავგადასავლო პარკი Activity. პირველად, დაკიდული საბაგირო მარშრუტის დაბრკოლებებს ზოოპარკის დირექტორი, ზურაბ გურიელიძე გადალახავს. 11:00, 12:00 და 13:00 საათებზე 3 ტურნირი ჩატარდება. 14:00 საათზე გაიხსნება ამიერკავკასიაში პირველი ადაპტირებული საქანელა ეტლით მოსარგებლე შეზღუდული შესაძლებლობების მქონე ბავშვებისათვის. 13:00 და 16:00 საათებზე პატარებს მხიარული ჯამბაზები და ანიმაციური გმირები გაახალისებენ, 14:40 და 17:00 საათებზე სტუმრებს სკეიტერების შოუ ელით, 15:00 საათზე კი საკონცერტო პროგრამა დაიწყება.

გარდა ამისა, ზოოპარკის საგანმანათლებლო ცენტრის წინ მოეწყობა საინტერესო საბავშვო აქტივობები, გაიხსნება „ნატვრის ხე“, პარალელურად, მთელი დღის განმავლობაში გაიმართება სახალისო ვიქტორინები, შეჯიბრები, თამაშები და გათამაშებები. ზოოპარკში მოსულ პატარებს ფერადოვან სანახაობასთან ერთად ბევრი საჩუქარი და სასიამოვნო სიურპრიზი დახვდებათ.

„თბილისის ზოოპარკი, როგორც ბავშვების საყვარელი ადგილი, ბავშვთა დაცვის დღეს ყოველთვის გამორჩეულად აღნიშნავს. ამ დღეს ჩვენს პატარა სტუმრებს განსაკუთრებულად ვანებივრებთ. გამონაკლისი არც წლევანდელი 1 ივნისი იქნება. გვინდა, ჩვენს პატარა მეგობრებს დასამახსოვრებელი დღე ვაჩუქოთ და კიდევ უფრო შევაყვაროთ ზოოპარკი და ჩვენი ბინადრები“, – აცხადებს თბილისის ზოოპარკის დირექტორი ზურაბ გურიელიძე.

474 ნახვა
Tags
Share

About Author

admin

admin

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
May 2014
M T W T F S S
« Apr   Jun »
 1234
567891011
12131415161718
19202122232425
262728293031