Studinfo.ge – სტუდენტური ამბები

ილიაუნის ცენტრალური საარჩევნო კომისია განცხადებას ავრცელებს

ილიაუნის ცენტრალური საარჩევნო კომისია განცხადებას ავრცელებს
April 16
14:54 2015

ილიას სახელმწიფო უნივერსიტეტის ცენტრალური საარჩევნო კომისია სპეციალურ განცხადებას ავრცელებს, რომელსაც ,,სტუდენტური ამბები” უცვლელად გთავაზობთ.

,,უკანასკნელ პერიოდში ილიას სახელმწიფო უნივერსიტეტის სტუდენტური თვითმმართველობის  არჩევნებში მონაწილე ერთ-ერთი მხარის მიერ მასმედიით და სოციალური ქსელების საშუალებით ვრცელდება ინფორმაცია, რომლის მიხედვითაც გაჟღერებულია მოსაზრება, რომ ილიაუნის ადმინისტრაციის მხრიდან ხდება საარჩევნო პროცესებში ჩარევა.

ილიას სახელმწიფო უნივერსიტეტის ცენტრალური საარჩევნო კომისია ცალსახად  აცხადებს, რომ მსგავს ფაქტს ადგილი არ ჰქონია და კატეგორიულად გამორიცხავს საარჩევნო ურთიერთობებში ჩართული მხარეების ნებისმიერი სახით ჩარევას ცესკოს საქმიანობაში.

ილიაუნის ცესკო წინასაარჩევნო პერიოდში განუხრელად იცავდა და მომავალშიც დაიცავს საყოველთაოდ აღიარებულ საარჩევნო პრინციპებს და ილიას სახელმწიფო უნივერსიტეტის სტუდენტური თვითმმართველობის მიერ დამტკიცებული არჩევნების დებულების ნორმებს.

ცესკო კონსტრუქციულად თანამშრომლობს რა ყველა მონაწილე მხარესთან, ერთმნიშვნელოვნად აცხადებს, რომ საარჩევნო სუბიექტების მხრიდან ფაქტობრივად დადასტურებულ კანონსაწინააღმდეგო ქმედებებს ადგილი არ ჰქონია და სამომავლოდაც მოუწოდებს მათ, თავი შეიკავონ ისეთი განცხადებებისა და ქმედებებისაგან, რომლებიც დაძაბავს მშვიდ წინასაარჩევნო გარემოს და უარყოფით გავლენას მოახდენს საარჩევნო პროცესებზე.

უნივერსიტეტის ყველა სტუდენტს ვუსურვებთ წარმატებული არჩევანის გაკეთებას 2015 წლის 20 აპრილს!!!,”- აღნიშნულია განცხადებაში. 

გსურს სწავლა საზღვარგარეთ? გაეცანი სასწავლო პროგრამებს EDU.ARIS.GE-ზე

 

165 ნახვა
Tags
Share

About Author

studinfo

studinfo

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
April 2015
M T W T F S S
« Mar   May »
 12345
6789101112
13141516171819
20212223242526
27282930