3 აგვისტოდან 3 სექტემბრის ჩათვლით 300 სტუდენტი ბათუმის მერიის სტრუქტურულ ერთეულებსა და მერიის მიერ დაფუძნებულ კერძო სამართლის იურიდიულ პირებში დასაქმდება. ამის შესახებ ინფორმაციას ბათუმის მერია ავრცელებს.
[textmarker color=fdf401]✔ გსურს სწავლა საზღვარგარეთ? გაეცანი სასწავლო პროგრამებს EDU.ARIS.GE-ზე[/textmarker].
მათი ცნობით, პროგრამაში მონაწილეობა შეუძლიათ ბათუმში რეგისტრირებულ სტუდენტებს, რომლებიც სწავლობენ აკრედიტებულ პროფესიულ ან უმაღლეს სასწავლებლებში.
მათივე განმარტებით, უპირატესობა მიენიჭებათ შემდეგი კატეგორიის სტუდენტებს:
- სოციალურად დაუცველი;
- მრავალშვილიანი ოჯახის წევრი;
- მზრუნველობამოკლებული;
- შშმ სტატუსის მქონე;
- საქართველოს ტერიტორიული მთლიანობისთვის ბრძოლაში დაღუპულის შვილი;
- მერიის მიერ ინიცირებულ პროგრამებში აქტიურად ჩართული სტუდენტები.
პროგრამაში მონაწილეობის მსურველებმა განაცხადი და შევსებული სააპლიკაციო ფორმა უნდა წარადგინონ ქ. ბათუმის მუნიციპალიტეტის მერის ადმინისტრაციის სპორტისა და ახალგაზრდობის განყოფილებაში 20-დან 27 ივლისის ჩათვლით.
მის: ლერმონტოვის ქ. #90.
დამატებითი ინფორმაციისთვის დარეკეთ – 24 63 12
