Studinfo.ge – სტუდენტური ამბები

თსუ-ის მაღლივ კორპუსთან გაზგასამართი სადგური აღარ აშენდება

თსუ-ის მაღლივ კორპუსთან გაზგასამართი სადგური აღარ აშენდება
July 22
12:16 2015

თსუ-ის X (მაღლივი) კორპუსთან გაზგასამართი სადგური აღარ აშენდება.ამის შესახებ ინფორმაციას უნივერსიტეტი ავრცელებს. როგორც განცხადებაშია აღნიშნული მაღლივის მიმდებარე ტერიტორიაზე გაზგასამართი სადგურის ნაცვლად მრავალფუნქციური კომპლექსი აშენდება.

,,ივანე ჯავახიშვილის სახელობის თბილისის სახელმწიფო უნივერსიტეტის სტუდენტების, პროფესორ-მასწავლებლებისა და ხელმძღვანელობის პროტესტმა შედეგი გამოიღო. საქართველოს ეკონომიკისა და მდგრადი განვითარების სამინისტრომ, თბილისის მერიამ და ბიზნესის წარმომადგენლებმა გაითვალისწინეს თსუ რექტორის, აკადემიკოს ვლადიმერ პაპავას, უნივერისტეტის აკადემიური საბჭოსა და სენატის, რაც მთავარია, სტუდენტების არაერთი განცხადება და თსუ მეათე (მაღლივი) კორპუსის მიმდებარე ტერიტორიაზე გაზგასამართი სადგურის ნაცვლად მრავალფუნქციური კომპლექსი აშენდება. მრავალფუნქციურ კომპლექსში განთავსდება საცხოვრებელი ბინები და კომერციული დაწესებულებები, რასაც უნივერსიტეტი მიესალმება.

✔ გსურს სწავლა საზღვარგარეთ? გაეცანი სასწავლო პროგრამებს EDU.ARIS.GE-ზე.

როგორც ცნობილია, თბილისის სახელმწიფო უნივერსიტეტის მაღლივი კორპუსის მიმდებარედ, სადაც ორი სასწავლო კორპუსის გარდა, განთავსებულია ბიბლიოთეკა, საზოგადოებრივი ტრანსპორტის თავმოყრის ადგილას გაზგასამართი სადგურის მშენებლობა იგეგმებოდა. გარდა იმისა, რომ ეს გადაწყვეტილება პირდაპირ უკავშირდებოდა ახალგაზრდების უსაფრთხოების ზომების უგულებელყოფას, აფერხებდა საუნივერსიტეტო სივრცის განვითარების შესაძლო პროექტებს, ასევე იგნორირებული იყო უახლოეს წარსულში გამოცხადებული არაერთი საინტერესო ინიციატივა, მათ შორის ახალგაზრდული ცენტრის, კვების ობიექტების მშენებლობაზე, რაც სტუდენტობისთვის განსაკუთრებულ საჭიროებას წარმოადგენს,

ივანე ჯავახიშვილის სახელობის თბილისის სახელმწიფო უნივერსიტეტი მადლობას უხდის საქართველოს მთავრობას, თბილისის მერიას და ბიზნესის წარმომადგენლებს საუნივერსიტეტო საზოგადოების ინტერესების გათვალისწინებისთვის,” – აღნიშნულია განცხადებაში.

93 ნახვა
Tags
Share

About Author

studinfo

studinfo

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში