Studinfo.ge – სტუდენტური ამბები

დაუჯერებელი ფაქტები თსუ-ზე

დაუჯერებელი ფაქტები თსუ-ზე
September 15
17:32 2015

1. მეექვსე კორპუსთან მდებარე მიწისქვეშა გადასასვლელი თავიდან ჩაფიქრებული იყო როგორც ბომბეიდან ლონდონში მიმავალი გვირაბი, მაგრამ შემდეგ ფინანსური სიმწირის გამო პროექტმა უფრო მოკრძალებული სახე მიიღო;

მიწისქვეშა

2. თსუ-ს მესამე კორპუსი ალფრედ ჰიჩკოკმა დააპროექტა, რითაც აიხსნება თუ რატომ იწვევს ეს კორპუსი ყოველ მნახველში იდუმალ შიშს, მისტერიულ მოკრძალებასა და დაუყოვნებლივი გაქცევის სურვილს;

mesame korp
3. არსებობს თქმულება, რომლის მიხედვითაც ერთ-ერთი პირველკურსელი მრავალი წლის წინ გაუჩინარდა მეორე კორპუსის ნულოვან სართულზე და ის დღესაც უშედეგოდ ეძებს გასასვლელს, გარე სამყაროსთან კონტაქტის დამყარებას კი ვერ ახერხებს, რადგან, მოგეხსენებათ, აღნიშნულ სართულზე მობილური არ იჭერს;

nulovani
4. სამოცდაათიან წლებში პირველი კორპუსის ეზოში ორი სტუდენტი ჩამოჯდა და მათ ჭორაობის ნაცვლად კონსპექტის განხილვა დაიწყეს, რათა სემინარისთვის მომზადებულიყვნენ. ეს უნიკალური ფაქტი აღარასოდეს განმეორებულა.

იცი ინგლისური? შეარჩიე საჭირო დონის კურსები edu.aris.ge-ზე! .

pirvelis ezo
5. თსუ-ს მეექვსე კორპუსი ინდიელი ბელადების სამარხზეა დაშენებული, ამიტომაც არ ხდება მისი მოდერნიზაცია და ნაგებობა პირვანდელ სახეს ინარჩუნებს (რათა მუშების ფაციფუცმა ინდიელი ბელადების სულები არ გააღიზიანოს). ახლო მომავალში არაა გამორიცხული მეექვსე კორპუსმა პირველყოფილი ნაგებობების ეროვნულ მუზეუმში გადაინაცვლოს;

meeqvse
6. მეცნიერებმა ხანგრძლივი კვლევა-ძიების შედეგად დაადგინეს, რომ ამირანი თავდაპირველად კავკასიონის ქედზე კი არა, მაღლივში იყო მიჯაჭვული. მათივე ინფორმაციით მცდარია შეხედულება, თითქოს ამირანის გულ-ღვიძლს ყვავ-ყორანი კორტნიდა. „ამირანის შიგნეულს მაღლივის დამკვირვებლები ძიძგნიდნენ“ – განაცხადეს მეცნიერებმა.

maghlivi

5,726 ნახვა
Tags
Share

About Author

ბექა ბერულავა

ბექა ბერულავა

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
September 2015
M T W T F S S
« Aug   Oct »
 123456
78910111213
14151617181920
21222324252627
282930