Studinfo.ge – სტუდენტური ამბები

სტუდენტებმა ლუკა დავიანტის დასახმარებლად საქველმოქმედო აქცია გამართეს

სტუდენტებმა ლუკა დავიანტის დასახმარებლად საქველმოქმედო აქცია გამართეს
November 19
11:51 2015

,,ლუკას ფლი მარკეტ’’(Luka’s flea market) – ამ სახელწოდების საქველმოქმედო აქცია გაიმართა 18 ნოემბერს თბილისის სახელმწიფო უნივერსიტეტში. აქციის ფარგლებში მიმდინარეობდა სუვენირების, წიგნების, ნახატების, ფოტოების, სამკაულების, ხელნაკეთი ნივთებისა თუ ტანსაცმლის ყიდვა-გაყიდვა.

თბილისის სახელმწიფო უნივერსიტეტის ჟურნალისტიკისა და მასობრივი კომუნიკაციების ფაკულტეტის სტუდენტს, 19 წლის ლუკა დავიანტის დაუდგინდა თავის ტვინის სიმსივნე. მას უკვე გაუკეთდა ოპერაცია და ესაჭიროება საზღვარგარეთ სარეაბილიტაციო კურსის გავლა, რომელიც 50 000 ლარზე მეტი ჯდება.

✔გსურს გერმანული ენის შესწავლა? გაეცანი სასწავლო პროგრამებს EDU.ARIS.GE-ზე.

,,გუშინდელი დღე წარმატებით დასრულდა!  ჩვენ შევძელით შეუძლებელი – 11 საათიდან 7 საათამდე მართლა მუხლჩაუხრელად ვიშრომეთ და, მიუხედავად სიცივისა, მიუხედავად დაღლისა, საუკეთესო დღე იყო. კიდევ ერთხელ დავამტკიცეთ, რომ სტუდენტები ერთად დიდი ძალა ვართ’’,- გვითხრა ქეთი გოგუაძემ, თსუ-ის ერთ-ერთმა სტუდენტმა.

ლუკას დასახმარებლად მანამდეც გაიმართა საქველმოქმედო კონცერტი თსუ-ის მე-6 კორპუსში, რომელშიც მონაწილეობა სტუდენტების გარდა ლექტორებმაც მიიღეს.

სტუდენტები ამბობენ, რომ ლუკას დასახმარებლად კვლავ გააგრძელებენ მსგავსი ტიპის აქციებს. ამ ორი ღონისძიებიდან შემოსულმა თანხამ კი დაახლოებით 3500 ლარი შეადგინა.

,,აღფრთოვანებული ვარ თქვენით ბავშვებო… ბედნიერია ლუკა ასეთი მეგობრები რომ ჰყავს. ის სკოლაში პატარობიდანვე გამოირჩეოდა თავისი მტკიცე ხასიათით, ბუნებით ძლიერი იყო და ამ განსაცდელსაც თქვენი თანადგომით აუცილებლად დაძლევს. არ შემიძლია, ლუკას ახლობლების სახელით, გულწრფელი მადლობა არ გადაგიხადოთ იმ საქმისთვის, რასაც თქვენ აკეთებთ. გჯეროდეთ ცხოვრებაში ერთიასად დაგიბრუნდებათ თქვენი სიკეთე. ღმერთმა ხელი მოგიმართოთ ყველა კეთილ საქმეში. მიყვარხართ ყველანი და მეამაყება, საქართველოს ასეთი ახალგაზრდობა რომ ჰყავს!’’,- ასე გამოხატა მადლიერება ლუკას მასწავლებელმა, ფატიმა ციმინტიამ, იმ ადამიანების მიმართ, რომლებმაც მცირედი წვლილი შეიტანეს ლუკას გამოჯანმრთელების საქმეში.

ლუკა დავიანტის სახელზე ლიბერთი ბანკში გახსნილი ანგარიშის ნომერია GE74LB0711119238796000.

1 2 3 4 5 6 7 8 9

ავტორი: ნათია დაშნიანი

186 ნახვა
Share

About Author

studinfo

studinfo

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
November 2015
M T W T F S S
« Oct   Dec »
 1
2345678
9101112131415
16171819202122
23242526272829
30