Studinfo.ge – სტუდენტური ამბები

14 რჩევა – რა უნდა ვიცოდეთ მოკლე ტექსტური შეტყობინებების გაგზავნისას

14 რჩევა  – რა უნდა ვიცოდეთ მოკლე ტექსტური შეტყობინებების გაგზავნისას
March 15
16:40 2018

სერიოზული და სენსიტიური შინაარსის შემცველი ინფორმაცია ოფიციალური დაბეჭდილი წერილის ან ელექტრონული ფოსტის მეშვეობით იგზავნება, თუმცა დღესდღეობით ხელმძღვანელობა სულ უფრო ხშირად მოკლე ტექსტური შეტყობინებებით კონტაქტობენ. მობილური ტელეფონების, მესენჯერების, ვიდეოზარების და კომუნიკაციის სხვა საშუალებების შემოსვლასთან ერთად ურთიერთობის წესებიც იცვლება. ისმის კითხვა: ამ ახალ რეალობაში, როგორ ვაწარმოოთ კომუნიკაცია ზრდილობიანად და კორექტულად, და ამავდროულად შედეგიანად? როგორ დავიცვათ ამ შემთხვევაში აუცილებელი საკომუნიკაციო ეტიკეტი?

 ☼ გსურს შეისწავლო მენეჯმენტი? გაეცანი სასწავლო პროგრამებს EDU.ARIS.GE-ზე ☼ 

გთავაზობთ რამდენიმე მნიშვნელოვან პრინციპს, რომლებითაც დღევანდელი საქმიანი ადამიანები უნდა ხელმძღვანელობდნენ:

1. ყოველთვის უპასუხეთ შეტყობინებას (თუკი, რა თქმა უნდა, არ გსურთ ამ ადამიანთან ურთიერთობის გაწყვეტა);

2. გაითვალისწინეთ სხვა ადამიანების განრიგი — ნუ შეაწუხებთ მათ მესიჯებით მაშინ, როდესაც მათ სძინავთ ან ისვენებენ;

3. ნუ დაწერთ რომანებს – მოკლე შეტყობინება მოკლე უნდა იყოს. თუ შეტყობინების დაწერა 30 წამზე მეტ დროს იკავებს, ალბათ უკეთესია ჩვეულებრივი ელექტრონული წერილი ან სულაც სატელეფონო ზარი არჩიოთ;

4. ნუ დაურეკავთ ადამიანს შეტყობინებაზე საპასუხოდ (თუ ამას თვითონ არ ითხოვს შეტყობინების მეშვეობით);

5. როდესაც მნიშვნელოვან შეტყობინებაზე პასუხი ვერ მიიღეთ — არ ინერვიულოთ და არ მიაყაროთ განმეორებითი მესიჯები; თუ ადამიანი დაკავებულია ან რაიმე მიზეზის გამო არ სურს თქვენთან კომუნიკაცია, განმეორებითი მესიჯებიც არაფერს შეცვლის;

6. ნუ გამოიყენებთ სარკაზმს, ირონიას და სხვა ემოციებს მოკლე ტექსტური შეტყობინების დაწერისას. ემოციების ყველა ნიუანსის კორექტული გადმოცემა გამოცდილ მწერლებსაც კი უჭირთ, მითუფრო რთულია ამის გაკეთება ტექსტური შეტყობინების შეზღუდულ ფორმატში. თუ გსურთ სწორად გაგიგონ, არ ღირს შეტყობინებაში პარალელური, ფარული მნიშვნელობების ჩაქსოვა;

7. რამდენჯერმე გადაამოწმეთ და დარწმუნდით, რომ შეტყობინებას სწორ მისამართზე აგზავნით. რთულია წარმოიდგინო იმაზე უხერხული სიტუაცია, ვიდრე ის, როდესაც მეგობრისთვის გამიზნული არაფორმალური შეტყობინება უცებ თქვენს უფროსთან ან სხვა რომელიმე საქმიან პარტნიორთან აღმოჩნდება;

8. ეცადეთ დაიცვათ პროპორციულობა კომუნიკაციაში. თუ ხედავთ, რომ მოსაუბრე მარტივ, „კი/არა“ სტილის წინადადებებს გიგზავნით, ნუ უპასუხებთ გრძელი წინადადებებით, მითუფრო, რომ ამ ჩამონათვალის მე-3 პუნქტიც უკვე წაკითხული გაქვთ.

9. ეცადეთ არ მიწეროთ ადამიანს არაფერი ისეთი, რასაც პირად საუბარში ვერ ეტყოდით. არ ღირს ურთიერთობების გარკვევა, ჭორაობა ან თავხედობა მოკლე შეტყობინებების მეშვეობით.

10. მოკლე შეტყობინებებში, განსაკუთრებით საქმიანში ნუ გამოიყენებთ ჰეშტეგების – #შეუსაბამო და #სასაცილოა.

11. ნუ გამოიყენებთ შემოკლებებს და სლენგს, თუ არ ხართ დარწმუნებული, რომ მიმღები ყველაფერს ადეკვატურად აღიქვამს.

12. ნურასდროს დაწერთ შეტყობინებას ასომთავრულით. ელექტრონულ კომუნიკაციაში დიდი ასოებით დაწერილი ტექსტი უტოლდება ყვირილს. მოგწონთ, როდესაც გიყვირიან? გარდა ამისა, შეუსაბამოა ძახილის და კითხვის ნიშნების სიჭარბეც და ზოგადად სხვა ნებისმიერი სიმბოლოები, რომლებიც ისტერიის და არაადეკვატურობის მაჩვენებელია.

13. არ ღირს ძალიან ბევრი „სმაილიკების“ ან სხვა ტიპის ემოტიკონების გამოყენება საქმიან მიმოწერაში. შესაძლოა ვინმეს ეს ძალიან მოწონდეს, სხვას კი აღიზიანებდეს.

14. ნუ წერთ ტექსტურ შეტყობინებებს სხვა ადამიანთან ურთიერთობის ან რაიმე საქმიანი შეხვედრის დროს. ძალიან უხერხულია სიტუაცია, როდესაც ადამიანი წყვეტს თქვენთან საუბარს, ან ეთიშება რაიმე საკითხის განხილვას და იწყებს მობილურზე შემოსული შეტყობინების დათვალიერებას და პასუხის აკრეფას. სხვები ამ დროს თავს სულელურად გრძნობენ, ღიზიანდებიან — და სავსებით საფუძვლიანად. გადადეთ თქვენი მიმოწერა შეხვედრის დასრულებამდე.

წყარო: work.ge

159 ნახვა
Tags
Share

About Author

STUDINFO.GE

STUDINFO.GE

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
March 2018
M T W T F S S
« Feb    
 1234
567891011
12131415161718
19202122232425
262728293031