Studinfo.ge – სტუდენტური ამბები

27 ივლისს მთვარის დაბნელებისთვის თვალყურისდევნება იპოდრომზე შეგეძლებათ

27 ივლისს მთვარის დაბნელებისთვის თვალყურისდევნება იპოდრომზე შეგეძლებათ
July 26
16:35 2018

27 ივლისს მთვარის დაბნელებაა. ის თავისებურად უნიკალური მოვლენაა, რადგან NASA-ს ცნობით, ეს იქნება 21-ე საუკუნის ყველაზე ხანგრძლივი მთვარის დაბნელება. ადამიანების ნაწილი მასზე დაკვირვებას 1 საათსა და 43 წუთსაც შეძლებს. მთვარის სრული დაბნელების ფაზა გრინვიჩის დროით 20:21 საათზე (თბილისის დროით 21:14 წთ) დაიწყება.

როგორც საქართველოს ასტრნომთა კლუბში აცხადებენ, კარგი ამინდის შემთხვევაში მთვარის დაბნელების ნახვა თბილისიდანაც შეგვეძლება. თბილისში ასტრონომები და დაინტერესებული ამ მოვლენის თვალყურისსადევნებლად ძველ პიოდრომზე შეიკრიბებიან.

მთვარის დაბნელება ხდება მაშინ, როდესაც დედამიწა მზეს და მთვარეს შორის აღმოჩნდება და ჩვენი თანამგზავრი დედამიწის ჩრდილის ქვეშ მოექცევა, ანუ ციური სხეულები გარკვეულ რიგში განლაგდებიან.

ეს ასტრონომიული მოვლენა – პირველიდან ბოლო ფაზამდე – სულ 3 საათს და 55 წუთს გაგრძელდება. სწორედ ეს დრო დასჭირდება მთვარეს დედამიწის ჩრდილის სრულად გადასალახად.

რაც შეეხება წითელ შეფერილობას, მთვარის დაბნელებას ზოგჯერ „სისხლიან მთვარესაც“ უწოდებენ, რაც დაკავშირებულია თანამგზავრის მუქ წითელ ელფერთან, რომელსაც ის დაბნელების დროს იძენს. ეს ვიზუალური ეფექტია, რომელიც წარმოიქმნება მაშინ, როდესაც დედმიწის ზედაპირთან გამავალი მზის სხივები ატმოსფეროში იფანტება და ნაწილობრივ მთვარემდე აღწევს.

53 ნახვა
Share

About Author

STUDINFO.GE

STUDINFO.GE

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
July 2018
M T W T F S S
« Jun    
 1
2345678
9101112131415
16171819202122
23242526272829
3031