Studinfo.ge – სტუდენტური ამბები

10 საინტერესო კითხვა, რომელზე პასუხიც ჯერ არავის გაუცია

10 საინტერესო კითხვა, რომელზე პასუხიც ჯერ არავის გაუცია
August 10
11:02 2018

ჩვენს ძალიან საინტერესო და ამოუცნობ სამყაროში უამრავი კითხვა და მათზე არანაკლებ საინტერესო პასუხი არსებობს. ადამიანების ცნობისმოყვარეობა კი, რა თქმა უნდა, არასდროს კმაყოფილდება და ყოველთვის იმაზე მეტის გაგება გვსურს, ვიდრე ვიცით.

რა გველოდება მომავალში, დავამარცხებთ თუ არა სიბერეს, რომელიც ასე გვაწუხებს, სად იწყება და მთავრდება სამყარო – წარმოგიდგენთ ამ და სხვა საინტერესო კითხვებს, რომელზე ამომწურავი პასუხიც, სამწუხაროდ ჯერ არავის გაუცია.

 ☼  გსურს კომპიუტერული პროგრამების შესწავლა? გაეცანი სასწავლო პროგრამებს EDU.ARIS.GE-ზე! ☼  

1. რა ხდება სიკვდილის შემდეგ? – ბიოლოგიური ორგანიზმის სიცოცხლის დასასრული, ანუ სიკვდილი, ადამიანებისათვის დღემდე ამოუცნობ მოვლენად რჩება, რადგან არავინ იცის, ამის შემდეგ რა გველოდება. არსებობს მოსაზრებები სამოთხის, რეინკარნაციისა თუ უბრალოდ გაქრობის შესახებ, მაგრამ სიკვდილზე დანამდვილებით რამის თქმა თითქმის შეუძლებელია.

2. აქვს თუ არა სამყაროს დასასრული? – მატერიალური ნაწილაკებისა და მათ შორის არსებული სივრცის ერთობლიობას სამყაროს უწოდებენ, თუმცა, ალბათ, ხშირად გაგჩენიათ კითხვა, თუ სად იწყება ან სად არის მისი დასასრული. დაგაიმედებთ და გეტყვით, რომ აღნიშნული საკითხის გასარკვევად მსოფლიოში უამრავი მეცნიერი უკვე მუშაობს.

3. პირველი ქათამი გაჩნდა თუ კვერცხი? – ეს არის კითხვა, რომელზე პასუხიც მთელ მსოფლიოს აინტერესებს. ერთ-ერთი თეორიის მიხედვით, ფრინველმა, რომელიც არ იყო ქათამი, დადო “მუტირებული” კვერცხი, რომლიდანაც გამოიჩეკა ქათამი. თუმცა, ამ თეორიას ჯერ კიდევ სჭირდება გადამოწმება.

4. როგორი იქნება მსოფლი მომავალში? – მსოფლიო განვითარების გზაზე საკმაოდ დიდ წარმატებებს აღწევს, მაგრამ მომავლის წინასწარმეტყველება ჯერაც შეუძლებელია.

5. როგორ შევქმნათ ხელოვნური ინტელექტი? – მართალია, ხელოვნური ინტელექტის კუთხით გარკვეული წინსვლა გვაქვს, მაგრამ დამაჯერებელი ხელოვნური ინტელექტი, რომელსაც ადამიანისგან ვერ გაარჩევთ, ჯერ არ შექმნილა.

6. შესაძლებელია სიბერის დამარცხება? – მიუხედავად იმისა, რომ ჩვენ უფრო და უფრო მეტს ვიგებთ სიბერის გამომწვევი მიზეზების შესახებ, დაბერება ადამიანებისათვის ჯერჯერობით მაინც შეუქცევადი ბიოლოგიური პროცესია.

7. რა არის და როგორ გაჩნდა სიცოცხლე? – ჩვენ ძალიან კარგად ვიცით, რა სხვაობაა ცოცხალ და არაცოცხალ სხეულებს შორის, თუმცა არსებობს შანსი იმისა, რომ მეცნიერებმა ვერასდროს დაადგინონ, თუ პირველად საიდან და როგორ გაჩნდა სიცოცხლე.

8. რატომ მოგვწონს მუსიკა? – ადამიანების უმრავლესობას ძალიან უყვარს მუსიკის შექმნა და მოსმენაც, თუმცა პირველად საიდან გაჩნდა მისდამი ასეთი დიდი სიყვარული არავინ იცის. არსებობს მოსაზრება, რომ მუსიკა ადამიანებს შორის კომუნიკაციისა და სერთო ინტერესების გასაღვივებლად ერთ-ერთი საუკეთესო საშუალება იყო, რაც მათ გონებრივ განვითარებასაც უწყობდა ხელს.

9. და უცხოპლანეტელებზე რა ხდება? – მიუხედავად იმისა, რომ ილონ მასკმა უცხოპლანეტელებისათვის ტესლას მანქანით კოსმოსში საიდუმლო გზავნილი უკვე გააგზავნა, მათი არსებობის შესახებ ჯერ არაფერი ვიცით.

10. არსებობს კითხვა, რომელიც ჯერ არ დასმულა? – ზემოთ წამოჭრილი საკმაოდ სეროზული საკითხების ფონზე, მეათე კითხვა შეიძლება სასაცილოდაც კი მოგეჩვენოთ, თუმცა ობიექტურად საინტერესოა, არსებობს თუ არა მსოფლიოში ისეთი კითხვა, რომელიც ჯერ არ დასმულა.

წყარო: on.ge

57 ნახვა
Tags
Share

About Author

STUDINFO.GE

STUDINFO.GE

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
August 2018
M T W T F S S
« Jul    
 12345
6789101112
13141516171819
20212223242526
2728293031