სასწავლო სტიპენდიები საფრანგეთში სწავლის მსურველთათვის

აქტუალური

Paris-Saclay უნივერსიტეტი იმ მაღალი აკადემიური მოსწრების საერთაშორისო სტუდენტებს, რომლებიც ამავე უნივერსიტეტის სამაგისტრო პროგრამაზე ჩაირიცხებიან, 2019-2020 აკადემიური წლისათვის სთავაზობს 120 სტიპენდიას.

აღნიშნული უნივერსიტეტი 14 უმაღლეს საგანმანათლებლო დაწესებულებას აერთიანებს და სასწავლო პროგრამების, კვლევებისა და ინოვაციების ძირითადი ცენტრია ევროპაში.

  ☼ ეძებ IT ინჟინერიის შემსწავლელ კურსებს? გაეცანი სასწავლო პროგრამებს EDU.ARIS.GE-ზე  ☼   

სასტიპენდიო პროგრამის ფარგლებში კანდიდატს განაცხადის წარდგენა შეუძლია ნებისმიერი მიმართულებით, როგორც ინგლისურენოვან, ისე ფრანგულენოვან სამაგისტრო პროგრამაზე.

სასწავლო სტიპენდიები გაიცემა აკადემიური წარმატების მიხედვით და წლიური დაფინანსება შეადგენს 10 000 €.

პროგრამის ხანგრძლივობა შესაძლოა მოიცავდეს 1 ან 2 აკადემიურ წელს, იმის მიხედვით, თუ რომელ სასწავლო წელს ჩაირიცხება კანდიდატი.

დაინტერესებულმა კანდიდატებმა სასურველი პროგრამისათვის განაცხადი უნდა წარადგინონ ელექტრონულად.

განაცხადის მიღების ბოლო ვადაა 2019 წლის 13 მაისი.

დამატებითი ინფორმაციისათვის იხილეთ ბმული.

Studinfo.ge - სტუდენტური ამბები