Studinfo.ge – სტუდენტური ამბები

დაწერე ამბები ომზე! – ეროვნული ბიბლიოთეკა ყველას გიწვევთ

დაწერე ამბები ომზე! – ეროვნული ბიბლიოთეკა ყველას გიწვევთ
August 06
14:14 2019

7-17 აგვისტოს, 09:30სთ-დან 20:00სთ-მდე, ეროვნული ბიბლიოთეკის დამოუკიდებლობის დარბაზი (გუდიაშვილის N5) ელოდება ყველას, ვისაც სურს დაფიქრდეს ომზე, ოკუპაციაზე და ეს ყველაფერი ჩაწეროს ალბომში „ამბები ჩემს ომზე“.

ღონისძიებაზე წარმოდგენილი იქნება აგვისტოს ომისა და ოკუპაციის ამსახველი ფოტოები ფოტოგრაფ ლელი ბლაგონრავოვასა და ეროვნული ბიბლიოთეკის ციფრულ კოლექცია „ივერიელის“ არქივიდან. დარბაზში განთავსებულ სპეციალურ ალბომში თითოეულ დამთვალიერებელს, სურვილისამებრ, შესაძლებლობა ექნება, ჩაწეროს თავისი მოგონებები, აზრები, დამოკიდებულებები ომსა და ოკუპაციაზე.

  ☼ ეძებ IT ინჟინერიის შემსწავლელ კურსებს? გაეცანი სასწავლო პროგრამებს EDU.ARIS.GE-ზე  ☼   

„რუსეთ–საქართველოს ომი ჩვენი უახლესი ისტორიის მნიშვნელოვანი და მტკივნეული ნაწილია. ეროვნული ბიბლიოთეკა, დამოუკიდებლობის დარბაზში 7 აგვისტოდან 17 აგვისტომდე, ხსნის მემორიალურ ალბომს, სადაც მოქალაქეები მოვლენ და ჩაწერენ საკუთარ მოგონებას ან გზავნილს ომზე, ოკუპაციაზე, გამოსავალზე. ეს ალბომი ან ალბომები სწორედ ამ დარბაზში დაიდებს ბინას, როგორც ეპოქის მნიშვნელოვანი მოვლენის ერთგვარი დოკუმენტი.

ველით ყველას!”, – აცხადებს ეროვნული ბიბლიოთეკის გენერალური დირექტორი გიორგი კეკელიძე.

56 ნახვა
Share

About Author

STUDINFO.GE

STUDINFO.GE

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში