Studinfo.ge – სტუდენტური ამბები

როგორ გავერთოთ ახალ წელს თბილისში – საახალწლო ღონისძიებების პროგრამა

როგორ გავერთოთ ახალ წელს თბილისში – საახალწლო ღონისძიებების პროგრამა
December 25
13:00 2019

დედაქალაქში საახალწლო ღონისძიებები დღეს, 20:00 საათზე მთავარი ნაძვის ხის ანთების ცერემონიით გაიხსნება. ამის შესახებ დედაქალაქის მერმა თბილისის მთავრობის სხდომაზე ისაუბრა.დედაქალაქში საახალწლო ღონისძიებები დღეს, 20:00 საათზე მთავარი ნაძვის ხის ანთების ცერემონიით გაიხსნება. ამის შესახებ დედაქალაქის მერმა თბილისის მთავრობის სხდომაზე ისაუბრა.

  ☼ ეძებ IT ინჟინერიის შემსწავლელ კურსებს? გაეცანი სასწავლო პროგრამებს EDU.ARIS.GE-ზე  ☼   

25 დეკემბერს, 20:00 საათზე მთავარი საახალწლო ნაძვის ხის ანთებამდე, პირველი რესპუბლიკის მოედანზე, ზღაპრული მატარებლით დროში მოგზაურობა იქნება შესაძლებელი და ცნობილი არტისტები ყველასათვის საყვარელი საბავშვო ფილმების გმირებს გააცოცხლებენ.

პირველი რესპუბლიკის მოედანზე 25 დეკემბრიდან 13 იანვრის ჩათვლით იფუნქციონირებს საახალწლო სოფელი, სადაც თოვლის ბაბუა და მისი ასისტენტები სტუმრებს უმასპინძლებენ. აქ ყოველდღიურად, 12:00-დან 20:00 საათამდე მრავალფეროვანი გასართობ-შემეცნებითი წარმოდგენები მოეწყობა: ჟონგლიორი ჯამბაზების და ილუზიონისტების წარმოდგენა, შოუ ქიმიური ელემენტებით, მრავალფეროვანი ვორქშოფები პატარებისთვის, სასულე ორკესტრის და დრამერების წარმოდგენები, ზღაპრების კითხვა, საბავშვო ფილმების ჩვენებები, კონცერტები და ზღაპრის გმირების წარმოდგენები. გარდა ამისა, გაიმართება თბილისის საშობაო ბაზარი, რომელიც გააერთიანებს პროექტებს – „დააგემოვნე თბილისის ქუჩებში“ და „თბილისური ბაზარი“.

პირველი რესპუბლიკის მოედანზე, 27-30 დეკემბერს, ყოველ საღამოს გაიმართება ქართული ესტრადის ვარსკვლავების კონცერტები, ხოლო 1-12 იანვარს – მუსიკალური ბენდების კონცერტები და დიჯეების წარმოდგენები.
ტრადიციულად, 31 დეკემბერს, 23:00 საათზე, პირველი რესპუბლიკის მოედანზე გაიმართება გალაკონცერტი, სადაც ყველასათვის საყვარელი სატელევიზიო მუსიკალური შოუ „ერთი ერთში“ ღია ცის ქვეშ გადაინაცვლებს.
1 იანვარს 21:00 საათზე, ამავე ლოკაციაზე, 2020 წლის პირველ საღამოს მსოფლიოში სახელგანთქმული მუსიკალური პროექტი Max the Sax კონცერტს გამართავს.

5 და 10 იანვარს, თბილისს პატარა უფლისწული გადაუფრენს. საჰაერო შოუები 20:00 საათზე დაიწყება.

6 იანვარს, 20:00 საათზე გაიმართება ჯგუფის The Quintessence წინასაშობაო კონცერტი.

რაც შეეხება ორბელიანის მოედანს, 25 დეკემბრიდან 13 იანვრის ჩათვლით სტუმრებს ელის ზღაპრულად განათებული ათონელის ქუჩა, ჩიჩილაკების ტყე, მანათობელი პლანეტა, თოვლის ბაბუის სახლი და ყინულის მოედანი.
აქ მთელი დღის განმავლობაში გაიმართება საბავშვო გასართობი პროგრამები, სახალხო კარაოკე, დიჯეების მუსიკალური წარმოდგენები და საახალწლო გამოფენა-გაყიდვა; იფუნქციონირებს აგრო, ღვინის და სამეწარმეო ბაზარი, სტარტაპ მარკეტი და კვების ობიექტები.

საახალწლო ღონისძიებების დასკვნითი კონცერტი 13 იანვარს, 20:00 საათზე დაიწყება. კონცერტში მონაწილეობას მიიღებენ სტეფანე, ნინო ქათამაძე, ლელა წურწუმია, ნატო მეტონიძე, სოფო ნიჟარაძე და სხვები.

იხილეთ დეტალური პროგრამა

ახალი წლის ღამეს საზოგადოებრივი ტრანსპორტი მგზავრებს უფასოდ მოემსახურება- ამის შესახებ დედაქალაქის მერმა თბილისის სხდომაზე განაცხადა. კახა კალაძის თქმით, 31 დეკემბრის 23:00 საათიდან, 75 მარშრუტზე 160 ერთეული ავტობუსი საშუალოდ 30-წუთიანი ინტერვალით იმოძრავებს.

ტრანსპორტი მგზავრებს სადღესასწაულო ღონისძიების ადგილამდე – პირველი რესპუბლიკის მოედნამდე, ასევე, მეტროსადგურებამდე და ცენტრალურ სატრანსპორტო კვანძებამდე გადაიყვანს.

592 ნახვა
Share

About Author

STUDINFO.GE

STUDINFO.GE

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
December 2019
M T W T F S S
« Nov   Jan »
 1
2345678
9101112131415
16171819202122
23242526272829
3031