Studinfo.ge – სტუდენტური ამბები

ილიაუნი ლიტერატურულ კონკურსს აცხადებს

ილიაუნი ლიტერატურულ კონკურსს აცხადებს
January 27
17:13 2020

ილიას სახელმწიფო უნივერსიტეტი აცხადებს ლიტერატურულ კონკურსს 2018 და 2019 წლებში გამოქვეყნებული საუკეთესო ქართული რომანის გამოსავლენად.

კონკურსის გამარჯვებული საქართველოში ყველაზე დიდი ლიტერატურული პრემიით – 10 000 ლარით დაჯილდოვდება.

შესაძლებელია ერთი ავტორის რამდენიმე რომანის წარდგენა.

ჟიურის შემადგენლობა კონფიდენციალურია. მის შემადგენლობაში შედიან ილიას სახელმწიფო უნივერსიტეტის პროფესორები და სტუდენტები.

 ☼ გსურს რუსული ენის შესწავლა? გაეცანი სასწავლო პროგრამებს EDU.ARIS.GE-ზე ☼ 

კონკურსში მონაწილეობის პირობები:

  • რომანი პირველად გამოქვეყნებული უნდა იყოს 2018-იდან 2019 წლის ჩათვლით;
  • წიგნი უნდა წარადგინოს ან გამომცემლობამ, ან – ავტორმა. ჯილდო გადაეცემა ავტორს;

განაცხადის შემოტანა შეიძლება 2020 წლის 27 იანვრიდან 29 თებერვლის ჩათვლით ილიას სახელმწიფო უნივერსიტეტის კანცელარიაში (ქაქუცა ჩოლოყაშვილის გამზირი N3/5, თბილისი). განაცხადს თან უნდა ერთოდეს წიგნის 3 ეგზემპლარი;

გამარჯვებული გამოცხადდება 2020 წლის ზაფხულში;

გამარჯვებულს გადაეცემა ილიაუნის პრემია, რომლის ოდენობაც 10 000 ლარს შეადგენს.

ილიაუნის ლიტერატურული კონკურსის ისტორია:

ილიაუნის ლიტერატურულ კონკურსს რვაწლიანი ისტორია აქვს.

2010 წელს ილიას სახელმწიფო უნივერსიტეტის აკადემიურმა საბჭომ მიიღო გადაწყვეტილება, ხელი შეეწყო რომანის განვითარებისთვის საქართველოში და დააარსა 10000-ლარიანი პრემია საუკეთესო რომანისთვის. 2010-2014 წლებში პრემია 4 ნომინანტზე გაიცა.

2014 წელს ილიას სახელმწიფო უნივერსიტეტის აკადემიურმა საბჭომ გადაწყვიტა, რომ ყოველ 5 წელიწადში ერთხელ პრემია გაცემულიყო უცხოენოვანი რომანის საუკეთესო ქართული თარმანისთვის.

ქრონოლოგია

2010 წელს პრემია მიენიჭა აკა მორჩილაძეს (რომანისთვის „მამლუქი“);
2011 წელს პრემია მიენიჭა ზაზა ბურჭულაძეს (რომანისთვის „გასაბერი ანგელოზი“);
2012-2013 წელს პრემია მიენიჭა ანა კორძაია-სამადაშვილს (რომანისთვის „ვინ მოკლა ჩაიკა“) და ჯაბა ზარქუას (რომანისთვის „მკითხველი უნდა მოკვდეს“);
2014 წელს პრემია მიენიჭა ზაზა ჭილაძეს (უილიამ ფოლკნერის რომანის „დროშები მტვერში“ თარგმანისთვის);
2015 წელს პრემია მიენიჭა ნანა ექვთიმიშვილს (რომანისთვის „მსხლების მინდორი“);
2016 წელს პრემია მიენიჭა არჩილ ქიქოძეს (რომანისთვის „სამხრეთული სპილო”).
2017 წელს პრემი მიენიჭა ლაშა ბუღაძეს (რომანისთვის „პატარა ქვეყანა”) და ზურაბ ჯიშკარიანს (რომანისთვის „საღეჭი განთიადები: უშაქროდ”);
2018 წელს პრემია მიენიჭა ლანა კალანდიას (მარიო ვარგას ლიოსას ორი რომანის – „ქალაქი და ძაღლები“, „ვაცის ნადიმი“ – თარგმანისთვის).

ილიას სახელმწიფო უნივერსიტეტი გისურვებთ წარმატებას.

112 ნახვა
Share

About Author

STUDINFO.GE

STUDINFO.GE

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
January 2020
M T W T F S S
« Dec   Feb »
 12345
6789101112
13141516171819
20212223242526
2728293031