პროფესიული გამოცდილების შეძენისა და პრაქტიკული უნარ-ჩვევების გამომუშავების მიზნით, შესაძლებლობა გეძლევათ, გაიაროთ სასწავლო პრაქტიკა საქმისწარმოებისა და სერვისების განვითარების მიმართულებით, ქალაქ რუსთავის მუნიციპალიტეტის მერიის ადმინისტრაციულ ერთეულებში არსებულ სერვისცენტრებში.
☼ გსურს შეისწავლო ტურიზმის მენეჯმენტი?გაეცანი სასწავლო პროგრამებს EDU.ARIS.GE-ზე ☼
პრაქტიკის გასავლელად დაიშვებიან საქართველოს აკრედიტებული უმაღლესი საგანმანათლებლო დაწესებულების კურსდამთავრებულები/დამამთავრებელი კურსის სტუდენტები.
პრაქტიკის გავლის მიზნით, შეგიძლიათ მიმართოთ ქალაქ რუსთავის მუნიციპალიტეტის მერიას. განაცხადს უნდა ერთვოდეს შემდეგი საბუთები:
ა) უმაღლესი განათლების დამადასტურებელი დოკუმენტი ან უმაღლეს საგანმანათლებლო დაწესებულებაში სწავლის შესახებ დამადასტურებელი დოკუმენტი (დიპლომის ასლი ან ცნობა უმაღლესი საგანმანათლებლო დაწესებულებიდან);
ბ) ავტობიოგრაფია;
გ) პირადობის დამადასტურებელი მოწმობის ასლი;
პრაქტიკის მიზანია სტუდენტთა და კურსდამთავრებულთა პროფესიული მომზადების ხელშეწყობა, სასწავლო პროცესში მიღებული თეორიული ცოდნის პრაქტიკული საქმიანობით განმტკიცება, პრაქტიკული უნარ-ჩვევების გამომუშავება.
- პრაქტიკის ვადა განისაზღვრება 1-დან-6 თვემდე.
- პრაქტიკის პერიოდი არ ანაზღაურდება.
- კანდიდატების შერჩევა მოხდება გასაუბრების საფუძველზე
პირველი ეტაპი-კონკურსში მონაწილეობისთვის წარდგენილი განაცხადების ძირითად ფორმალურ მოთხოვნებთან შესაბამისობის დადგენა:
მეორე ეტაპი-გასაუბრებისას მოწმდება კანდიდატის თეორიული ცოდნა საჯარო სამსახურისა და თვითმმართველობის ზოგადი საფუძვლების შესახებ და პრაქტიკის გავლის მოტივაცია.
განცხადებების მიღების ვადა 2020 წლის 10 თებერვლიდან 2020 წლის 10 მარტის ჩათვლით.
