Studinfo.ge – სტუდენტური ამბები

როგორი იქნებოდა რუსთაველის “ვეფხისტყაოსანი” ფეისბუკის სამსახურში

როგორი იქნებოდა რუსთაველის “ვეფხისტყაოსანი” ფეისბუკის სამსახურში
September 02
12:20 2020

თანამედროვე სამყაროში სოციალური ქსელის გარეშე ცხოვრება უკვე წარმოუდგენელია. განსაკუთრებით ფეისბუკისა და ინსტაგრამის მომხმარებლებისთვის. საინტერესოა როგორ მოიქცეოდა შოთა რუსთაველი ამ ეპოქაში, ოდნავ რომ წარმოვიდგინოთ შეგვიძლია დღევანდელ ფეისბუკ-აქტივობებს “ვეფხისტყაოსნიდან” ამონარიდები მივუსადაგოთ.

 ☼  გსურს კომპიუტერული პროგრამების შესწავლა? გაეცანი სასწავლო პროგრამებს EDU.ARIS.GE-ზე! ☼  

რუსთაველის “ვეფხისტყაოსანი” ფეისბუკის სამსახურში:

  1. ახალი ადამიანის დაფრენდების მოტივად: “ვინ მოყვარესა არ ეძებს, იგი თავისა მტერია”.
  2. რეაქცია ინბოქსში მოწერილზე “გავიცნოდ ლამასო” – “რა უთქვამს, რა მოუჩმახავს, რა წიგნი მოუწერია”.
  3. როცა შლი ადამიანს, რომელსაც დაფრენდების დღიდან მოცემულ მომენტამდე არაფერი მოუწონებია და დაუკომენტარებია: “სჯობს უყოლობა კაცისა მომდურავისა ყოლასა”.
  4. პასუხი ყბადაღებულ და ისტერიკული ტონალობის კითხვაზე “როგორ ხაარ?” – “ღმერთსა შემვედრე, ნუთუ კვლა დამხსნას სოფლისა შრომასა, ცეცხლსა, წყალსა და მიწასა, ჰაერთა თანა ძრომასა”.
  5. როცა შეყვარებულთან ერთად ფიქსირდები ფოტოზე და არამკითხე მოამბე გიწერს “რამე გამომრჩაა?” – “ხამს, თავისსა ხვაშიადსა არვისთანა ამჟღავნებდეს, არ ბედითად „ჰაის“ ზმიდეს, მოყვარესა აყივნებდეს, არსით აჩნდეს მიჯნურობა, არასადა იფერებდეს”.
  6. ფაშისტურად, მიზოგინურად და ა.შ. ორიენტირებული ფრენდისათვის გამოწერის გაუქმებისას: “საცა არა სჯობს, გაცლა სჯობს, კარგისგან, მამაცისაგან”.
  7. როცა ადრესატი ინბოქსში მოწერილს დასინავს და ჯიბრით არ გპასუხობს: “თუ არ მომისმენ, ვერ ჰპოვებ, რაზომმცა ცრემლსა ჰმილდები, მოგხვდების მდურვა სოფლისა, მოჰკვდები, გა-ცა-სწბილდები!”
  8. როცა ასტროლოგის ლაივჩართვას მოუსმენ და აღმოაჩენ, რომ იუპიტერი შენს ნიშანში გადავიდა: “ჰე, მუშთარო, გეაჯები შენ, მართალსა ბრჭესა ღმრთულსა, მო და უყავ სამართალი, გაებრჭობის გული გულსა”.
  9. ყველას რომ ყველაფერს ულაიქებ: “უხვად გასცემდი, ზღვასაცა შესდის და გაედინების”.
  10. არავის რომ არაფერს ულაიქებ: “ოდეს ტურფა გაიაფდეს, აღარა ღირს არცა ჩირად”.
  11. როცა ვინმეს დაბლოკვას გადაწყვეტ დამსახურებულად: “კაცი ცრუ და მოღალატე ხამს ლახვრითა დასაჭრელად”.
  12. ფრენდებს საქველმოქმედო აქციაში ჩართვას სთავაზობ: “რაცა თქვენთვის არ ვარგ იყოს საჭურჭლესა დასადებლად, მიეც ზოგი ხანაგათა, ზოგი ხიდთა ასაგებლად”.
  13. როცა ფეისბუკის გაუქმებას გადაწყვეტ და ფრენდებს უბოდიშებ: “აწ წასლვა იყო წამალი ჩემთა სახმილთა გზნებისა, სადა გინდ ვიყო, რა მგამა, ყოფამცა მქონდა ნებისა!”

ავტორი: მაგდა აბესაძე

8,814 ნახვა
Share

About Author

STUDINFO.GE

STUDINFO.GE

Related Articles

ლარპი – ციფრული საუკუნის როლური თამაშები

ლარპი – ციფრული საუკუნის როლური თამაშები

GRADUATION PARTY ქართულ უნივერსიტეტებში

GRADUATION PARTY ქართულ უნივერსიტეტებში
September 2020
M T W T F S S
« Aug   Oct »
 123456
78910111213
14151617181920
21222324252627
282930