2 ოქტომბერს, ქართული სახვითი ხელოვნების მუზეუმის დაარსებიდან 2 წელი გადის. დაბადების დღე მუზეუმმა დამთვალიერებელს მიუძღვნა და ამ დღეს უსასყიდლო ტურებს უმასპინძლებს.
☼ გსურს სილამაზის სახელოვნებო კურსებზე სწავლა? გაეცანი სასწავლო პროგრამებს EDU.ARIS.GE-ზე ☼
“ამ თარიღთან დაკავშირებით, 2 ოქტომბერს, 12, 14 და 16 საათზე ჩვენს დამთვალიერებელს ვთავაზობთ უფასო ვიზიტს და საინტერესო ტურს მუზეუმში ხელოვნებათმცოდნესთან ერთად.
პანდემიიდან გამომდინარე ადგილები შეზღუდულია, ამიტომ ტურზე დასასწრებად აუცილებელია წინასწარ ჩაწერა, მსურველებმა გთხოვთ დარეკეთ ნომერზე: 591 68 00 00.
გთხოვთ ასევე, გაითვალისწინოთ, აუცილებელია პირბადე! მუზეუმში შესვლისას დაცული იქნება ყველა საერთაშორისო რეკომენდაცია და რეგულაცია”, – ვკითხულობთ მუზეუმის ოფიციალურ გვერდზე.
გარდა ამისა, ქართული სახვითი ხელოვნების მუზეუმი იწყებს ახალ პროექტს – „პირისპირ“, რომელიც უფროსი და ახალი თაობის არტისტების დიალოგს გულისხმობს. პირველი ასეთი დიალოგი მუზეუმის დაბადების დღეს, ალექსანდრე ბანძელაძის დარბაზში, შეგდება. და ადგილი დაეთმობა ახალგაზრდა არტისტის – ნინუკა საკანდელიძის რამდენიმე ახალ ნამუშევარს. კონცეფცია კურატორ – კონსტანტინე ბოლქვაძეს ეკუთვნის.
